ರಷ್ಯಾದಲ್ಲಿ ಅಪಘಾತಕ್ಕೀಡಾದ ಹೆಲಿಕಾಪ್ಟರ್ : ಪೈಲಟ್ ಸಾವು

ರಷ್ಯಾದಲ್ಲಿ ರಾಝುನ್ ಸಮೀಪ ವೈಮಾನಿಕ ಕವಾಯತು ನಡೆಯುತ್ತಿದ್ದ ಸಮಯದಲ್ಲಿ ಸೇನಾ ಹೆಲಿಕಾಪ್ಟರ್ ಮಿ-28ಎನ್ ನೆಲಕ್ಕೆ ಅಪ್ಪಳಿಸಿ ಒಬ್ಬ ಪೈಲಟ್ ಸಾವನ್ನಪ್ಪಿರುವ ಘಟನೆ ನಡೆದಿದೆ. ಮೊದಲ ಸೇನಾ ಒಲಿಂಪಿಕ್ಸ್​ನಲ್ಲಿ ಸ್ಪರ್ಧೆಯ ಅಂಗವಾಗಿ ಕವಾಯತು ನಡೆಯುತ್ತಿದ್ದ ಸಮಯದಲ್ಲಿ ಸ್ಟಂಟ್ ಪ್ರದರ್ಶಿಸುತ್ತಿದ್ದಾಗ ಬೆರ್ಕುಟಿ ವೈಮಾನಿಕ ಕವಾಯತು ತಂಡಕ್ಕೆ ಸೇರಿದ ಹೆಲಿಕಾಪ್ಟರ್ ಒಂದೇ ಕಡೆಗೆ ವಾಲಿ ನೆಲದತ್ತ ಸಾಗಿ ನೋಡ ನೋಡುತ್ತಿದ್ದಂತೆ ನೆಲಕ್ಕೆ ಅಪ್ಪಳಿಸಿತು. ಈ ಸಮಯದಲ್ಲಿ ಒಬ್ಬ ಪೈಲಟ್ ಅಲ್ಪಸ್ವಲ್ಪ ಗಾಯಗಳೊಂದಿಗೆ ಪಾರಾಗಿದ್ದು ಇನ್ನೊಬ್ಬ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾನೆ ಎಂಬ ಮಾಹಿತಿ ಲಭ್ಯವಾಗಿದೆ.